თბილისის ვისკის ფესტივალი — ეს არის სივრცე, სადაც გემო, კულტურა და პროფესიონალიზმი ერთ დიდ გამოცდილებად ყალიბდება. ფესტივალი საქართველოსა და მთელ რეგიონში პირველი და ყველაზე მასშტაბური ღონისძიებაა, რომელიც ეძღვნება ვისკისა და მაღალი ხარისხის ალკოჰოლური სასმელების მრავალფეროვან სამყაროს. იგი აერთიანებს საერთაშორისო და ადგილობრივ ბრენდებს, დისტილერიებს, დისტრიბუტორებსა და ინდუსტრიაში ჩართულ პროფესიონალებს. ჩვენ ვქმნით პლატფორმას, სადაც ერთმანეთს ხვდებიან გემოვნებიანი მომხმარებლები, ჰორეკა სექტორის ლიდერები, მედიის წარმომადგენლები, ინფლუენსერები და ყველა, ვინც ვისკის სიყვარულს აზიარებს. რას გთავაზობთ? გემოვნების დაუვიწყარ თავგადასავალს — ასობით ვისკის დეგუსტაციას, მასტერკლასებს, პრეზენტაციებს, გურმანულ შეთავაზებებს, ცოცხალ მუსიკას და არაერთ შთამბეჭდავ დეტალს. გარდა ვისკისა, წარმოდგენილია ჯინი, რომი, კონიაკი, ქართული ჭაჭა და ხელნაკეთი დისტილატები — ასე რომ, ეს მხოლოდ ვისკის მოყვარულებისთვის არაა — ეს დღესასწაულია ყველა მათთვის, ვინც მაღალ ხარისხს აფასებს. რატომ ვაკეთებთ ამას? იმიტომ, რომ გვჯერა — ალკოჰოლური სასმელები კულტურის ნაწილია. ისინი გვიამბობენ ისტორიებს, ქმნიან მომენტებს და აერთიანებენ ადამიანებს. თბილისის ვისკის ფესტივალი სწორედ ამ იდეით შეიქმნა — სიყვარულით, ექსპერტიზითა და იმ სურვილით, რომ საქართველო დავამკვიდროთ გემოვნების საერთაშორისო რუკაზე.